Keleier

Meur a bal zo

Kenderc’hel da struzhiñ kreiz-kêr ha da talvoudekaat al lec’hioù foran.
Kinnig chemet gweledvaerion, spluzegerion ha liorzherion ar rannvro.
Krouiñ un darvoud liammet ouzh al liorzherezh da glokaat saloñs Gwened Tu al liorzh, a vo ar blez-mañ d’an 9 ha d’an 10 a viz Mae 2015. Pedet eo enta an dud a vicher àr an ardremez da vonet e darempred gant kêr Gwened evit bout prestet lec’hioù foran da derkiñ.
Choazet eo bet al lec’hioù er c’harter istorel evit kinnig d’an dud ur sell nevez àr lec’hioù arouezius ag ar glad.

Dek lec’h a c’hello bout terket o ardremez

1. Plasenn Maurice Marchais
2. Tro-dro beg-magoer Gregenig
3. Dor an Itron-Varia, ru Burgod
4. Plasenn Losket*
5. Plasenn Lucien Laroche (lodenn edan ar savadur anvet « la Cocotte » e galleg)
6. Ru an Nor Bostern, dirak Kastell an Erminig
7. Plasenn Gambetta
8. Plasenn Théodore Decker, dirak ar Skol sonerezh 8. Ostel Limur
9. A-hed iliz Sant-Padern*
10. Reper urzh broadel an Dellezegezh, liorzh ar Ramparzhioù.

*Ul lec’h ma vo un diskouezadeg ennañ da-geñver ar Festival Luc’hskeudennoù mor, dijabl adal an 18 a viz Mae 2015
Tu a roio an darvoud da grouerion yaouank da vout anavetoc’h ivez.
Darempred : Servij an takadoù glas, 02 97 62 59 00