Tres Kêr hag al luc’hskeudenn dre nij

Gant ar reizhiad e c’haller monet ha donet etre an tres hag al luc’hskeudennoù dre nij. En em lec’hiiñ a ra an implijer àr chomlec’hioù resis. Liammoù pad a vez etre endalc’had al lec’hienn hag ar gartenn. 

ETREOBERIADEGEZH HA GWEVNDED

.Abaoe 10 vlez eo aveet an ti-kêr gant ur reizhiad titouriñ douaroniel (RTD) evit e ezhommoù dezhañ e-unan. Tennet hon eus ul lodenn anezhi da lakaat etre ho taouarn un tres kêr etreoberiat a c’heller gwelet gantañ, n’eo ket hepken tres hollek an hentoù hag ar savadurioù, met ivez luc’hskeudennoù tapet gant kirri-nij (Reizhluc’hskeudennerezh*). Tennet e oa bet ar c’hlichedoù e miz Gwengolo 2006.

Liammet eo an tres ouzh al lec’hienn. Evel-se e c’heller lec’hiiñ fichennoù pennadoù zo (lec’hiiñ àr ar gartenn) pe er c’hontrol monet ag ar gartenn d’al lec’hienn dre al liamm « muioc’h a ditouroù… ».Enlinenn emañ chomlec’h postel lec’hiennoù zo evit kas posteloù.Bourrus e kavot moarvat monet en-dro distroñs ar reizhiad ha kalite ar skeudennoù, kerkoulz evel ar mod « skramm leun » a c’heller gweredekaat da bep mare.* Reizhluc’hskeudennerezh : diàr luc’hskeudennoù tapet gant kirri-nij, e c’heller gant tretadurioù mentoniel àr urzhiataer reishaat ar c’hlichedoù da sevel un tres ennañ ur vozaikenn skeudennoù plaen, resis betek 10 cm.

Gellout a rit monet d’ur chomlec’h resis pe d’ur poent bennak (bouton : klask) diuzet dre c’herioù-alc’hwez (savadur, lec’hienn, park…). Ar reizhiad a ra un nijadenn a-dreist al lec’h, ha zoumiñ àrnezhañ.

Kuzhet pe diguzhet e vez ar poentoù hervez ho c’hoant (bouton : alc’hwez ar Poentoù Dedennus). Ouzh pep poent e vez staget ur fichenn doareennoù hag ul luc’hskeudenn (klik àr an draezenn).